IFC İnes Roçanı Avropa üzrə Yeni Regional Direktor təyin etdi

​Vyana, Avstriya, 27 may 2024-cü il - IFC İnes Roçanı Avropa üzrə Regional Direktor təyin etdi. Vyanadakı ofisimizdən işə başlayan xanım İnes Roça, yaşıl inkişafın, rəqəmsal texnologiyanın və maliyyə inklüzivliyinin gücləndirilməsinə diqqət yetirməklə, Mərkəzi və Şərqi Avropada özəl sektor investisiyalarının artırılmasında və iş yerlərinin yaradılmasında əsas rol oynayacaq və Rusiyanın Ukraynaya təcavüzünə IFC-nin cavab tədbirlərinə rəhbərlik edəcək. O, həmçinin inkişaf etməkdə olan bazarlarda dayanıqlı iqtisadi artımı dəstəkləmək üçün kapital və bilikləri səfərbər etmək məqsədilə IFC-nin Qərbi Avropada biznesin inkişafı səylərinə rəhbərlik həyata keçirəcək.

Portuqaliya və Böyük Britaniya vətəndaşı olan İnes Roça, son illərdə Avropa Yenidənqurma və İnkişaf Bankında (AYİB) inkişaf maliyyəsi sahəsində 20 ildən çox təcrübəyə malikdir. Onun buradakı rollarına Avropa Birliyi banklarını və strukturlaşdırılmış maliyyəni əhatə edən maliyyə institutları, Mərkəzi və Şərqi Avropada kiçik biznesləri dəstəkləmək daxil idi.

Son vaxtlaradək xanım Roça Təsir və Tərəfdaşlıqlar şöbəsinin rəhbəri olaraq, AYİB-in Ukraynadakı böhrana cavab tədbirlərinə rəhbərliyi çərçivəsində əsas səhmdarlar və donorlardan Ukrayna iqtisadiyyatı və özəl sektoru üçün rekord miqdarda dəstəyi səfərbər etmişdir. Bu vəzifədə o, Dünya Bankı, Çoxtərəfli İnvestisiya Zəmanəti Agentliyi (MIGA) və IFC də daxil olmaqla, inkişaf maliyyə institutları və çoxtərəfli inkişaf bankları ilə sıx əməkdaşlıq etmişdir. Daha əvvəl isə o, UBS İnvestisiya Bankında və Portuqaliya Mərkəzi Bankında işləyib.

IFC-nin Avropa, Latın Amerikası və Karib hövzəsi üzrə vitse-prezidenti Alfonso Qarsia Mora qeyd etmişdir ki: "Rusiyanın Ukraynaya təcavüzünün təsirini araşdırmaqda davam etdiyimiz dövrdə İnesin geniş təcrübəsi bu rol üçün müstəsna dərəcədə uyğun edir. Əminəm ki, o, yaşıl, dayanıqlı və inklüziv inkişafı sürətləndirməyə və Qərbi Avropadan inkişaf etməkdə olan bazarlara daha çox sərmayəni səfərbər etməyə kömək edərək, IFC-nin proqramını daha da yüksək nəticələrə yönəldə biləcək".

Region üzrə Direktor qismində xanım Roça diqqətini Qərb, Mərkəzi və Şərqi Avropa ölkə ofislərində IFC-nin regional qruplarına rəhbərlik etməyə və əsas müştəri, hökumət və maraqlı tərəflərlə əlaqələrin idarə edilməsinə yönəldəcək. O, həmçinin IFC-nin regionda strategiyasının həyata keçirilməsini formalaşdıracaq və istiqamətləndirəcək, Dünya Bankı və MIGA ilə sıx əməkdaşlıq, biznesin inkişafına rəhbərlik və IFC-nin sektorlar üzrə əməliyyatlarına nəzarət edəcək.

İnes Roça London İqtisadiyyat Məktəbində İqtisadiyyat üzrə magistr dərəcəsinə malikdir.

IFC haqqında
Beynəlxalq Maliyyə Korporasiyası (IFC) Dünya Bankı Qrupunun üzvü və inkişafda olan iqtisadiyyatlarda özəl sektorun artımını hədəfləyən ən iri inkişaf təşkilatıdır. Biz 100-dən çox ölkədə işləyir, kapital, təcrübə və təsirimizdən yararlanaraq inkişafda olan ölkələrdə yeni bazarlar və imkanlar yaradırıq. 2023-cü maliyyə ilində inkişafda olan ölkələrdəki özəl şirkətlərə və maliyyə müəssisələrinə 43.7 milyard ABŞ dolları məbləğində rekord həcmdə maliyyə ayıraraq, əlaqəli və bir-birini dərinləşdirən qlobal böhranlar müqabilində IFC özəl sektorun üstünlüklərinə arxalanaraq ifrat yoxsulluğu aradan qaldırmağa və müştərək rifahı artırmağa kömək edir. Daha ətraflı məlumat üçün internet saytımızla tanış olun: www.ifc.org.

IFC on social media üzərindən bizimlə əlaqə yaradın