ການຮ່ວມມືຄັ້ງໃໝ່ ກັບ ທະນາຄານແຫ່ງ ສປປ ລາວ ເພື່ອສຸກຍູ້ສົ່ງເສີມການເງິນສີຂຽວ,ສະໜັບສະໜູນເປົ້າໝາຍ ກ່ຽວກັບ ດິນຟ້າອາກາດຂອງປະເທດ

​

ນະຄອນຫຼວງວຽງຈັນ, ສປປ ລາວ, 26 ກັນຍາ 2022 - ຍ້ອນວ່າ ສປປ ລາວ ຕ້ອງການຊັບພະຍາກອນໃນການແກ້ໄຂຜົນກະທົບຂອງດິນຟ້າ ອາກາດ ແລະ ບັນລຸເປົ້າໝາຍ ປ່ອຍທາດອາຍເຮືອນແກ້ວສຸດທິເປັນສູນ ພາຍໃນປີ 2050, ອົງການການເງິນສາກົນ ຫຼື ອົງການ IFC ແລະ ທະນາຄານແຫ່ງ ສປປ ລາວ ໄດ້ ເຊັນບົດບັນທຶກຄວາມເຂົ້າໃຈ (MoU) ເພື່ອເພີ່ມທະວີການສະໜອງທຶນເຂົ້າໃນບັນດາໂຄງການທີ່ເປັນມິດ ຕໍ່ດິນຟ້າອາກາດ. ບາດກ້າວດັ່ງກ່າວ ຈະຊ່ວຍສ້າງ ຕະຫຼາດການເງິນສີຂຽວ, ປົດລ໋ອກທ່າແຮງແຫຼ່ງທຶນໃຫ້ກັບ ກິດຈະການທຸລະກິດທີ່ເອົາໃຈໃສ່ ເລື່ອງດິນຟ້າອາກາດ ແລະ ເອື້ອອໍານວຍໃຫ້ ລາວ ສາມາດບັນລຸຕາມເສັ້ນທາງການເຕີບໂຕທີ່ຍືນຍົງ ແລະ ຄວາມເປັນກາງທາງກາກບອນ.

ຜົນກະທົບຂອງການປ່ຽນແປງດິນຟ້າອາກາດ ໄດ້ສົ່ງຜົນກະທົບອັນສໍາຄັນຕໍ່ກັບເສດຖະກິດຂອງ ສປປ ລາວ ໂດຍສະເພາະ ອັນເນື່ອງມາຈາກ ການເອື່ອຍອີງ ຊັບພະຍາກອນທໍາມະຊາດທີ່ມີຄວາມບອບບາງຕໍ່ສະພາບດິນຟ້າອາກາດ ເຊິ່ງລວມມີ ນໍ້າ, ປ່າໄມ້ ແລະ ກະສິກໍາ. ເພື່ອຫຼຸດ ຜ່ອນຜົນກະທົບ ແລະ ບັນລຸສະຖານະ ຄວາມເປັນກາງທາງກາກບອນ ໃນສາມທົດສະວັດຕໍ່ໜ້ານີ້ ປະເທດລາວແນ ໃສ່ການຫຼຸດຜ່ອນ ການປ່ອຍທາດອາຍເຮືອນແກ້ວ (GHG) ໃຫ້ ໄດ້ 60 ສ່ວນຮ້ອຍ ພາຍໃນປີ 2030 ໂດຍສະເພາະແມ່ນຜ່ານການເພີ່ມ ສ່ວນແບ່ງຂອງພະລັງງານທົດແທນ ໃນໂຄງປະກອບພະລັງງານທັງໝົດ ແລະ ຂະຫຍາຍພື້ນທີ່ປ່າປົກຫຸ້ມ. ອີງຕາມ ແຜນງານແຫ່ງຊາດຕໍ່ການ ປະກອບສ່ວນແກ້ໄຂບັນຫາການປ່ຽນແປງດິນຟ້າອາກາດ (NDC) ຂອງ ສປປ ລາວ, ຄວາມພະຍາຍາມໃນການຫຼຸດຜ່ອນຜົນກະທົບຂອງ ການປ່ຽນແປງດິນຟ້າອາາດ ອາດຕ້ອງໃຊ້ເງິນທຶນປະມານ 4,7 ຕື້ໂດລາ ສະຫະລັດ ພາຍໃນປີ 2030 ເຊິ່ງຄາດວ່າ ໂດຍສ່ວນ ໃຫຍ່ ຈະມາຈາກພາກສ່ວນເອກະຊົນເປັນຕົ້ນຕໍ ຍ້ອນງົບປະມານຂອງພາກລັດຍັງຈໍາກັດ.

ທ່ານ ປອ ບຸນເຫຼືອ ສິນໄຊວໍລະວົງ, ຜູ້ວ່າການທະນາຄານກາງ ແຫ່ງ ສປປ ລາວ ໄດ້ກ່າວວ່າ "ຂະແໜງການເງິນ ສາມາດເຮັດບົດບາດ ອັນສໍາ ຄັນ ໃນການຈັດສັນທຶນເຂົ້າໃນບັນດາໂຄງການທີ່ເປັນມິດຕໍ່ດິນຟ້າອາກາດ ແລະ ເຫັນວ່າ ສິ່ງທີ່ສໍາຄັນຢ່າງຍິ່ງ ແມ່ນຕ້ອງສ້າງນະໂຍບາຍ ແລະ ເງື່ອນໄຂທີ່ເຫມາະສົມ ເພື່ອປົດລ໋ອກແຫຼ່ງເງິນທຶນນີ້. ໂດຍໄດ້ຮັບການສະໜັບສະໜູນຈາກ IFC, ພວກເຮົາຈະສ້າງ ຂອບນະໂຍບາຍ ການເງິນສີຂຽວ ເຊິ່ງເປັນການສ້າງສະພາບແວດລ້ອມທີ່ເອື້ອອໍານວຍໃຫ້ກັບ ສະຖານບັນການເງິນຕ່າງໆ ໄດ້ພັດທະນາຜະລິດຕະພັນການເງິນ ສີຂຽວ ຂອງ ເຂົາເຈົ້າ ທີ່ຕະຫຼາດພາຍໃນສາມາດເຂົ້າເຖິງໄດ້ຢ່າງກວ້າງຂວາງ".

ໃນພິທີເຊັນ MoU ທີ່ຈັດຂຶ້ນ ພາຍໃຕ້ການເປັນສັກຂີພະຍານຂອງ ທ່ານ ຜູ້ວ່າການທະນາຄານ ແຫ່ງ ສປປ ລາວ ແລະ ທ່ານ ຮອງປະທານ ອົງການ IFC ຜູ້ຊີ້ນໍາວຽກງານເສດຖະສາດ ແລະ ການພັດທະນາຂະແໜງການເອກະຊົນ ທ່ານ ນາງ ຊູນຊານ ລຸນ (Susan Lund) ເຊິ່ງ ເຂົ້າມາຢ້ຽມຢາມເຮັດວຽກໃນ ປະເທດລາວໃນອາທິດນີ້ ເພື່ອປຶກສາຫາລືກັບເຈົ້າໜ້າທີ່ອາວຸໂສຂອງ ລັດຖະບານ ແລະ ຜູ້ຕາງໜ້າ ທຸລະກິດ ຕ່າງໆ ເພື່ອຄົ້ນຄວ້າກັນວ່າ ອົງການ IFC ຈະສາມາດຊ່ວຍເຫຼືອຄວາມພະຍາຍາມຂອງປະເທດ ໃຫ້ໄດ້ດີທີ່ສຸດແນວໃດ ເພື່ອໃຫ້ຟື້ນຕົວຈາກ ພະຍາດໂຄວິດ-19 ໄດ້ ໃນເວລາດຽວກັນກໍ່ເປັນການແກ້ໄຂ ວິກິດການທົ່ວໂລກທີ່ພວມດໍາເນີນຢູ່ ແລະ ສົ່ງເສີມການ ມີສ່ວນຮ່ວມຂອງພາກເອກະຊົນ ໃນວາລະ ກ່ຽວກັບ ດິນຟ້າອາກາດຂອງປະເທດ.

ທ່ານ ນາງ ຊູນຊານ ລຸນ (Susan Lund) ຮອງປະທານ ອົງການ IFC ຜູ້ຊີ້ນໍາວຽກງານເສດຖະສາດ ແລະ ການພັດທະນາຂະແໜງການ ເອກະຊົນ ໄດ້ກ່າວວ່າ "ພວກເຮົາຮູ້ວ່າ ສປປ ລາວ ມີເປົ້າໝາຍສູ້ຊົນ ໃນການເພີ່ມສ່ວນແບ່ງຂອງພະລັງງານທົດແທນ ໃນໂຄງປະກອບ ພະລັງງານທັງ ໝົດຂອງປະເທດ ແລະ ຈະດໍາເນີນວຽກງານເພີ່ມເຕີມ ໃນການຫຼຸດຜ່ອນຜົນກະທົບຂອງການປ່ຽນແປງດິນຟ້າອາກາດ. ຂໍ້ຕົກລົງ ສະບັບນີ້ ຈະ ຊ່ວຍປູທາງໃຫ້ ສປປ ລາວ ບັນລຸເປົ້າຫມາຍກ່ຽວກັບດິນຟ້າອາກາດ ໂດຍການເລັ່ງຈັດຫາເງິນທຶນສໍາຄັນ ເພື່ອສ້າງຜົນປະໂຫຍດທາງສິ່ງແວດລ້ອມຕົວຈິງດ້ ແລະ ສຸກຍູ້ສົ່ງເສີມການເຕີບໂຕສີຂຽວ ແລະ ກວມລວມທົ່ວເຖິງທຸກຄົນ. ໃນຖານະທີ່ເປັນຜູ້ບຸກເບີກໃນຂົງເຂດການເງິນສີຂຽວຂອງໂລກ ອົງການ IFC ມີຈຸດຢືນທີ່ດີໃນການຊ່ວຍເຫຼືອ ຂະແໜງການເງິນຂອງລາວ ໃນການບັນລຸຕາມວາລະຄວາມຍືນຍົງຂອງປະເທດ ໃນເວລາດຽວກັນ ກໍ່ພັດທະນາຕະຫຼາດການເງິນສີຂຽວທີ່ເຂັ້ມ ແຂງ ເຊິ່ງສອດຄ່ອງກັບມາດຕະຖານສາກົນ".

ການເປັນຄູ່ຮ່ວມມື ດັ່ງກ່າວນີ້ ຈະເລີ່ມໂດຍການປະເມີນຄວາມພ້ອມຂອງຕະຫຼາດ ເພື່ອທົບທວນຂອບການເງິນສີຂຽວໃນປະຈຸບັນ ແລະ ກໍານົດ ໂອກາດທາງດ້ານຕະຫຼາດຕ່າງໆ ສໍາລັບຜະລິດຕະພັນການເງິນສີຂຽວທີ່ມີທ່າແຮງ. ສິ່ງດັ່ງກ່າວຈະເອື້ອອໍານວຍໃຫ້ ທະນາຄານກາງ ຂອງ ສປປ ລາວ ປັບປຸງສະພາບແວດລ້ອມທີ່ເອື້ອອໍານວຍໃຫ້ການເງິນສີຂຽວ ໂດຍຜ່ານການສ້າງ ແຜນຍຸດທະສາດການເງິນທີ່ມີຄວາມຍືນຍົງ, ຂອບປະເມີນຄວາມສ່ຽງດິນຟ້າອາກາດ ສໍາລັບ ລະບົບການເງິນ ແລະ ບັນຊີຂະແໜງການທຸລະກິດສີຂຽວທີ່ປະກອບສ່ວນແກ້ໄຂການປ່ຽນແປງ ດິນຟ້າອາກາດຢ່າງຄົບຖ້ວນ (harmonized green taxonomy) ລວມທັງ ລະບຽບການ ແລະ ບົດແນະນໍາ ກ່ຽວກັບ ການເງິນ ແລະ ພັນທະບັດສີຂຽວ.

ອົງການ IFC ໄດ້ເຄື່ອນໄຫວຢູ່ ສປປ ລາວ ແຕ່ປີ 1998 ແລະ ໃຫ້ຄໍາໝາຍໝັ້ນໃນການຊ່ວຍເຫຼືອ ວາລະການພັດທະນາຂອງປະເທດ ໂດຍ ການຊ່ວຍເຫຼືອການພັດທະນາຂະແໜງເອກະຊົນ, ສົ່ງເສີມຄວາມຍືນຍົງ ແລະ ສ້າງໂອກາດໃຫ້ມີວຽກເຮັດງານທໍາ.

ກ່ຽວກັບອົງການການເງິນສາກົນ (IFC)
ອົງການ IFC - ຫນຶ່ງ ໃນ ຈຳ ນວນສະມາຊິກຂອງກຸ່ມທະນາຄານໂລກ - ແມ່ນ ສະຖາບັນເພື່ອການພັດທະນາສາກົນ ຂະ ຫນາດໃຫຍ່ທີ່ສຸດທີ່ເນັ້ນໃສ່ວຽກ ງານການຊ່ວຍເຫລືອພາກເອກະຊົນຢູ່ໃນບັນດາປະເທດກໍາລັງພັດທະນາ. ພວກເຮົາເຄື່ອນ ໄຫວ ຢູ່ຫລາຍກວ່າ 100 ປະເທດ, ໂດຍນໍາໃຊ້ທຶນຮອນ, ຄວາມຮູ້ຄວາມຊໍານານ ແລະ ຖານະບົດບາດຂອງຕົນ ເຂົ້າໃນການສ້າງຕະຫຼາດ ແລະ ສ້າງກາລະໂອກາດຢູ່ໃນປະເທດທີ່ກໍາລັງ ພັດທະນາເຫລົ່າ ນັ້ນ. ສຳ ລັບສົກປີງົບປະມານ 2022, IFC ໄດ້ບັນ ລຸຕົວ ເລກການສະຫນອງທຶນ ມູນ ຄ່າເຖິງ $32.8 ຕື້ໂດລາສະຫະລັດ ໃຫ້ແກ່ບັນດາບໍລິສັດເອກະຊົນ ແລະ ສະຖາບັນການເງີນ ຢູ່ໃນປະເທດກໍາລັງ ພັດທະນາ, ເປັນ ການໝູນໃຊ້ກຳລັງແຮງຂອງພາກເອກະຊົນ ເພື່ອຊ່ວຍປະ ກອບ ສ່ວນເຂົ້າ ໃນການລົບລ້າງ ຄວາມທຸກຍາກທີ່ ຮຸນ ແຮງ ແລະ ສົ່ງ ເສີມຄວາມສົມ ບູນ ພູນ ສຸກ ຮ່ວມ ກັນ ໃນຂະນະທີ່ເສດຖະກິດ ພວມຕໍ່ສູ້ ກັບຜົນກະທົບຂອງວິກິດການສະສົມທົ່ວໂລກ. ສໍາລັບຂໍ້ມູນເພີ່ມເຕີມ ທ່ານສາມາດເບິ່ງໄດ້ທີ່ເວັບໄຊ www.ifc.org.

Stay Connected
www.ifc.org/eastasiaa
www.twitter.com/IFC_EAP
www.youtube.com/IFCvideocasts
www.ifc.org/SocialMediaIndex
www.instagram.com\ifc_org
www.facebook.com/IFCeap
www.facebook.com/IFCwbg